一番風味 (已結業)

2020年3月9日 星期六约咗女朋友今日去湾仔婚纱展览，去之前决定食啲嘢先，费事越行越肚饿经过见到呢间餐厅好似唔错，又好似好耐冇食过中菜，一于入去试吓入到去发现餐厅都几大，有好多枱但人流唔算太多，可能未到中午时间午市套餐有前后两页，选择都算丰富，价钱又实惠，好快我哋就有左决定，叫两个餐可以share首先系黄金虾球配菜饭，虾球用咸蛋黄炸得好香，除咗虾球之外仲有南瓜片都用左咸蛋黄炸，好香口。呢一个泡饭好特别，原本以为只系清汤，冇谂过原来系龙虾汤，饮落去有淡淡的龙虾味，配料除咗有斑粒之外，仲有其他海鲜同埋唔同嘅菇菌，每一啖食落口都有好多料，好丰富。成个泡饭根本两个人都食唔晒，实在系太大份，应该揾多一个人嚟食。整体感觉唔错，价钱比快餐店贵少少，不过味道同材料都丰富过快餐店好多。