龍城冰室

营业中

休息中

今日去开观塘，决定系个度解决埋个晚餐，好耐无食过茶餐厅嘅晚餐，决定食龙城冰室。冰室外面好金壁辉煌，远距离都望度。店内每张台都好阔落，坐得好舒服。环境都好干净。今日叫左个招牌鲍鱼带子炒饭，见到餐牌有推介，所以决定试下，一送到黎，个窝就滋滋声仲传出阵阵饭香， 个炒饭有三只饱鱼同三只带子，料都算系咁，$7x都可接受，炒饭底有好多椰菜、葱同蛋，材料虽然好简单，但佢炒得好有镬气，非常干身，饭粒粒分明，调味刚刚好，个窝仲好好keep 到d 炒饭够热，同埋仲有窝巴，个饭虽然简单但超好味，好快就比我地清晒。蕃茄焗猪排饭好浓郁嘅蕃茄味，超多芝士，仲有拉丝，猪排好淋都算多，足足有5大旧，除左猪排，仲有劲多四芹菠萝同菇，味道仲好过大快活嘅焗猪，唔错。今日个焗猪系晚餐，所以叫左个周打蚬汤，个汤好creamy, 仲有好多料，个汤应该系自己煲而唔系罐头，味道唔错。茶餐厅招牌配角，冻柠茶，无得输，好味。除左我叫呢2样，餐厅仲有好多选择，试几次都唔厌。