百味鮮辣蟹專門店 (已結業)

突然好想食蟹。同屋企人去左百味鲜辣蟹专门店食餐好既。小食点左蒜香冻螺。话就话小食，但一点都唔细碟冻螺超爽口超新鲜！最正系佢唔韧又入味！肉类点了面酱滑鸡煲，鸡肉几嫩几入味。食D菜啦，点左腊味炒菜芯。算几多腊味，D菜「索」晒D腊味既香味，送饭一流啦～「送饭」首选﹣﹣台式皮蛋豆腐。豆腐好嫩滑，上面舖上肉松、溏心皮蛋蓉好松香美味。戏玉点左【姜葱肉蟹】。只肉蟹劲大只好重秤。而且佢的肉质好鲜甜，一丝一丝咁，一D都唔霉。成碟炒得好够镬气～海鲜再加码点左【豉椒炒蚬】。D蚬无沙系最抵赞。次次食亲炒蚬都例牌有DD沙><!!今次只只都肥嘟嘟涨卜卜～攞货靓，厨师又处理得好～豉椒落得够所以几惹味～