糖水檔1987

营业中

休息中

呢间位于柯士甸站附近嘅小店，坚系禾秆冚珍珠👍🏻。样子其貌不扬，但非常有内涵，每一款食物都有镬气又好味，劲有质素，好值得推介俾大家！👍🏻👍🏻佢前身系一间有啲历史嘅糖水舖，旧老板因为年纪大，一对情侣食客决定承传老店。店主曾经喺日本餐厅做厨，加入左各种特色创新元素，希望为大众带嚟一个宵夜聚脚点😋。⭐️吉列一口豚入面嘅日本豚肉，肉质非常嫩滑，非常juicy，食得出唔系普通货色！外面嘅粉，明显系自己上蛋浆再上粉，炸皮好薄，即叫即炸，非常香口又新鲜！忍唔住要赞吓老板👍🏻因为就算即炸外皮都唔油，沥油做得好好！真好食！要encore！⭐️ XO酱炒萝卜糕佢哋嘅XO酱系自家秘制，落咗好多瑶柱，好惹味😋。用嚟炒萝卜糕，味道辣辣地，好过瘾👍🏻忍唔住系咁夹😂⭐️灰姑娘灰姑娘即系芝麻糊加炖蛋白，超级香芝麻味，就算冻食，一上枱好已经好香。食落去虽然唔算系好杰身，但芝麻味十足，而且仲食到一啲磨到好幼细嘅芝麻，非常真材实料！⭐️擂沙汤丸细细粒嘅擂沙汤丸，入边包住好浓郁嘅黑芝麻，出面洒满黄豆粉，一上枱黄豆粉嘅香味已经飘埋嚟😋。入边嘅黑芝麻真系好浓郁同香，一啖食落去，黑芝麻爆满一口，得四粒真系完全唔够喉🙈好想encore 呢个！