有魚

营业中

休息中

早几日陪妈咪去杨屋道买𩠌，周围行睇下有咩水果买，点知比我地见到有间新开的餐厅叫有鱼，我咁八卦紧系行去装下有咩食啦！原来系食小菜的又有鸡煲呀！买海鲜加工又得，我见新店就同妈咪讲，不如今晚唔好煮，我地几食呢间啦！ 哈哈妈咪听到唔洗煮紧开心，即叫好!睇完餐牌觉得都好多选择咩都有d 唔错， 最后我就叫了以下几款：黄金虾 ~ 先炸虾再用咸旦王煮超咸香，我忍唔住连壳食。西芹腰果炒鸡丁 ~ 我最爱的小菜去到边都要点，因越简单越好食，大爱腰果 。荔枝肉 ~ 每一旧都好淋，个汁酸酸甜甜小朋友最爱。瑶柱蛋白炒饭 ~ 太大碟了， 饭炒到粒粒分明好香，我地争住食呀！本来仲想叫多两碟小菜的，但见佢每碟都咁大碟唔想浪费，所以叫左咁多就停，另外叫左两枝啤酒，一枝王老吉，一罐可乐，大家都食得好饱咁回家。我走时见到隔离枱食酸菜鱼超吸引，我下次一定要找朋友陪我来食先得。