品味冰室

营业中

休息中

今日约了朋友食Lunch，由于佢Lunch时间得1 小时，所以我就去了朋友公司附近餐厅等他。呢间餐厅坐位宽阔，门面光鲜，就决定入去食住等朋友啦。我见餐厅食物价钱都唔太贵，选择又多，我最后决定叫午餐，蜜椒薯仔牛柳粒小菜客饭。原来佢系一碟𩠌，好似叫小菜咁，大大碟，卖相相当不错，色香味俱全。一个人食，份量一定足够。薯仔有咬口，唔会烂晒，甜甜哋，𩠌饭一流。牛柳粒炒得好有镬气，好入味，配上蜜汁，估唔到咁好味。白饭一大碗，小菜一大碟，味道又唔错，加埋饮品都系六十几蚊，讲真，个小菜咁嘅质素，我觉得好抵食，所以我都叫朋友一齐叫呢个餐。朋友都大赞好食，话下次佢自己放Lunch 都会落去食。