肥仔大排檔

营业中

休息中

用餐时间（8:27pm dinner）follow@wojengyea/@wo!正嘢 for more food info🐒 支持我哋发掘更多美食 😋住荃湾朋友话呢间大排档喺荃湾数一数二，三佬约埋试吓。叫咗三样嘢；招牌香辣鸡煲🐔、菠萝咕噜肉同椒盐鲜鱿。菠萝咕噜肉🐽🍍唔容易整得好食，首先个酱汁唔可以太稀，先至可以挂上去每嚿肉，猪肉要用梅头（猪肩）肉，啖啖肉口感一流。有啲大排档会混入左烧肉，竟然会食到骨🦴，同埋烧肉本身好咸，一食落口就知，红绿椒菠萝粒同红洋葱🧅都落足。椒盐鲜鱿🦑有惊喜，多炸蒜蓉🧄喺面，鲜鱿切得好薄，加簿一簿一层炸粉，咬落去唔会韧，两三个回合已经清晒。三个人鸡煲叫半只鸡，红青辣椒、干葱头、大量老姜起镬，个人钟意佢放大量芫荽🍀铺面（走荽人要注意）。睇张相颜色都知道偏浓味，食完要队多支啤酒🍺，鸡件细少大件鸡，冇得啖啖肉唔过瘾，但整体还好。打边边配料不值一提，油麦菜份量少，而且冇洗干净，有啲已经老黄咗。丸类饺类未解晒冻，连埋冰都够胆上枱🧊 ，明明叫水饺又上咗韭菜饺，如果唔食韭菜嘅人就中伏。响铃炸枝竹红薯粉正常发挥。