盛記酒家

营业中

休息中

今日同家人食晚饭，拣咗我地都喜欢嘅湾仔呢间老字号中式酒楼，点咗几款小菜四个人食。金薯牛柳粒$148好有镬气，牛柳粒好腍，薯仔粒粉粉，少少黑椒微辣加上蜜汁够惹味。香煎莲藕饼$148 煎得金黄香脆，好香口。莲藕粒爽口加上猪肉肥瘦适中，肉汁丰富，好甘香。虾酱香虾骨 $148 系虾酱炸五花腩，五花腩经过炸之后，肥腻感已大大去除，好香口，加上虾酱咸香咸香，非常惹味。蒜香爆龙趸球$288 煲仔好有镬气，加上香葱同蒜，超香龙趸球厚肉，鱼皮满满骨胶原，鱼肉新鲜鲜味。xo 酱海皇炒饭 $168香气扑鼻， XO酱微辣鲜香均匀沾上梅粒饭粒，炒饭炒得粒粒分明，而且充满蛋香，而且仲有好多鲜虾及带子粒做配料，非常好吃。最后，店员仲送糖水俾我哋，花生麦米粥，甜度适中，麦米有咬口，很不错的甜品。