象泰 (已結業)

食泰国嘢又唔想行到去置乐咁远，所以谂来谂去都系去返雅都的象泰，位置有点入，平时都系路过街边见到有招牌先知有这一间泰国菜餐厅。生菜包：我钟意食小辣嘅泰国菜其中一样就系生菜包，将啲猪肉碎加喺新鲜嘅生菜入面，咬落去爽爽声，猪肉碎好入味但又唔会太咸，配上生菜味道刚刚好。泰式炒得好有镬气，我点了鸡肉，鸡肉也份量也很多，牛河炒得很干身而且有把河粉炒散不会像有些店舖河粉还是痴在一起的。蒜蓉包有6大条，新鲜焗的，就算不用点任何酱汁灯吃也很美味，有著美味的蒜香，这个很饱肚，最好跟朋友分享。阿妈话想食鱼所以点了碟明炉乌头比佢，一上枱超级大碟，所有菜都要让路，乌头本身已经接近熟，再用下面嘅微火煮一阵就食得，鱼肉鲜嫩唔会煮到老！阿爸就钟意煮多一阵因为啲鱼肉会更加有汤汁嘅酸辣味道，鱼比想像中大条，足够两至三人食用。椰汁冰好解渴，有淡淡的椰子香味，疯狂地饮几啖已经比我饮晒。芒果沙冰内里应该加了芒果肉用搅拌，下面的芒果冰比较杰身，可以感觉到有混合左芒果肉！妈妈点左杯青柠梳打，另外开一瓶梳打水直接加入去杯内，可以分两至三次倒入，份量比平时揾一杯的多，啱晒喜欢饮冻野嘅阿妈。