黃埔小廚

营业中

休息中

📍黄埔小厨 红磡📍去开红磡揾朋友食饭，推荐咗呢一间充满惊喜嘅高质餐厅😍👍🏻。想讲呢间餐厅嘅大厨真系不得了，每一样食物都好高水准，值得一试。💙避风塘炒蟹大大只肉蟹，超级足料。大厨好有心机咁样处理，做足步骤，令到啲蟹肉好入到味，同时保留到蟹肉本身嘅鲜味。配撘蒜头、葱段、豆豉、辣椒等材料混合而成的酱料一起爆炒，火候恰到好处，又有镬气，但系唔会好油，保持到蟹肉嘅干身，系功力啊！💙黄金鲜鱿好难得咸蛋黄嘅外皮既酥脆，但系唔会太浓味，保留到鲜鱿嘅味道。食得出鲜鱿系真鲜鱿，仍然湿润弹牙，真材实料，与酥脆嘅咸蛋黄脆皮平衡得好好，相得益彰。💙鲜菠萝脆皮咕噜肉应该系我暂时食过最好食嘅咕噜肉。糖醋汁味道调校得恰到好处，酸酸甜甜。外皮酥脆，感觉好似有一层焦糖咁，不会太厚。咬落去，系有肉汁嘅猪肉粒，外脆内嫩。旁边嘅鲜菠萝摆盘都好有诚意，切粒之余，特登用火枪烧过表面，美观又好食😋。配上一个靓仔（白饭），再加一杯青岛啤酒🍻，简直系一大美事😋😋😋😋！推荐嚟一试！