敏華冰廳 (荷里活廣場)

营业中

休息中

钻石山敏华啲员工服务态度差真系街知巷闻，琴日大约下午三时，人唔算太多，唔需要等位，眼见餐厅里面亦有两张吉枱，敏华阿姐问我几多位，我话两位，于是佢叫我搭枱，坐卡位的一半。（𠮶张卡位已经有两个姐姐坐紧，只系用块胶板隔住）我当时觉得又唔系繁忙时段，又有另外一张吉枱，我问呀姐我可唔可以坐另外一张枱，因为我唔想搭枱（实在尴尬对面两个人又唔识要同枱食饭，倾偈又唔方便，最重要当时非繁忙时段）我好声好气问：我可唔可以坐𠮶一张枱，敏华阿姐态度极度恶劣，坐𠮶度冇用㗎一阵间都要同人哋搭枱㗎，我话现在都冇人，如果一阵间真系有人嘅话佢咪坐落嚟啰。跟住系咁话唔得，我四周围一望，近门口个卡位只系坐左两个人，我问佢点解呢张卡位只坐两个人？唔系四个人咩？佢话佢坐咗好耐㗎喇，真系唔知咩道理🙄即系我之前一早嚟就可以两个人一张枱，真系当我白痴，跟住我话我一定会投诉你，佢就死死地讲，好啦好啦你两个坐𠮶个卡位啦，吓，即系点呀又得喇？讲真有骨气都唔会再喺度食啦，当你乞儿咁样，所以我喺度同大家讲，如果去钻石山真系唔好去敏华，商场食肆选择多，无需要选择佢，服务态度差，真系无谓去受气😡