Riso Café (已結業)

去完大陸,直通巴係鑽石山落,就係鑽石山醫肚啦!之前黎開, 一直都想試呢間ga la!要左一個risotto,加$變埋套餐,多左薯角同野飲!薯角好好食呀!幅圖果個係2人份量!熱辣辣唔點茄汁都ok!唔係太硬,D皮都算少少脆!呢個係我叫ge,黑椒辣肉腸risotto!三塊辣肉腸都夠啦,太多會搶左D risotto呢個主菜!辣肉腸暖暖地,幾香口!唔厚,好有點綴ge角色!D飯右左芝士,同埋risotto本身黏黏地,口感好好!芝士因為熱力而溶溶地,再further黏住D飯,令到D飯好好食,好吸引,停唔到口! 望落去個飯唔大,但係食落都飽飽地,加埋薯角岩岩好!呢個係女朋友食ge,試左一啖,D risotto同我果個口感有D似,又係有D芝士溶溶地,真係幾好味!叫左杯白爵紅茶,小弟分唔出同其他紅茶有咩分別,不過都叫做不過不失啦!每人都係around $50左右,絕對係有水準兼平價之選!