土司工坊 (荷里活廣場) (已結業)

因為有土司工房$50現金券，所以幫襯下佢嘅早餐。土司工房嘅早餐定價都幾高，一個三文治加兩隻蛋同嘢飲都已經要三十幾蚊，見到醒神全餐有優惠$40，所以叫咗兩個外賣返屋企食。醒神全餐$40- 本來原價$48，而家$40感覺比較抵食。全餐入邊有煎蛋、蕃茄、茄汁焗豆、香腸同埋多士，我揀飲熱檸茶。其實早餐質素同普通茶餐廳差唔多，煎蛋蛋黃比較熟，冇流心嘅效果，同埋多士係超薄，有少少失望。如果冇現金券，好大機會都唔會買呢度嘅早餐食喇。