影片
更多
2020-03-06
2070 浏览
牛角系我几钟意既一间日式烧肉专门店，之前有系其他分店食过烧肉放题，难得旺角有一间专食放题既牛角，当然要试一试有咩分别。有经过几次都知呢间放题店特别多人，特别系晚饭时间，所以一早打电话订左位，去到即刻就入得。坐底拣好食边个等级既放题之后，就可以开始拣食物。入面空间都几大，有一边系美食自助区，有前菜、沙律、饭、汤品、甜品同饮品自取，另外再可以任叫唔同既肉类同其他食品。前菜既选择都好多，有前菜四味(芝麻八爪鱼、中华沙律、带子裙边同味付海蜇)、日式冻豆腐、辛辣鸡丝沙律、青木瓜丝沙律、紫洋葱和风蕃茄。每样都细细碟可以每样都试下，日式冻豆腐就唔算好浓味，但豆腐质感嫩滑。紫洋葱和风蕃茄就味道酸酸甜甜，好醒胃。蔬菜有鲜冬菇、洋葱、粟米、生菜、泡菜、青椒及红椒条。友人想食得清新拎左沙律，见到沙律柜入面仲有可丽饼，再望一望墙上有教学自制牛角卷，非常有趣。自助区既空间都几大，唯一有排过队拎既野就系饮品。一部自助饮料机，一般既汽水都有，Coca cola、Coca cola zero、Fanta、Fuze tea、Sprite、橙汁、苹果汁、芒果汁、梳打水等，不过就冇平时牛角有既特色饮料。食牛角最紧要就系
有经过几次都知呢间放题店特别多人，特别系晚饭时间，所以一早打电话订左位，去到即刻就入得。坐底拣好食边个等级既放题之后，就可以开始拣食物。
入面空间都几大，有一边系美食自助区，有前菜、沙律、饭、汤品、甜品同饮品自取，另外再可以任叫唔同既肉类同其他食品。
前菜既选择都好多，有前菜四味(芝麻八爪鱼、中华沙律、带子裙边同味付海蜇)、日式冻豆腐、辛辣鸡丝沙律、青木瓜丝沙律、紫洋葱和风蕃茄。
每样都细细碟可以每样都试下，日式冻豆腐就唔算好浓味，但豆腐质感嫩滑。紫洋葱和风蕃茄就味道酸酸甜甜，好醒胃。
蔬菜有鲜冬菇、洋葱、粟米、生菜、泡菜、青椒及红椒条。友人想食得清新拎左沙律，见到沙律柜入面仲有可丽饼，再望一望墙上有教学自制牛角卷，非常有趣。
自助区既空间都几大，唯一有排过队拎既野就系饮品。一部自助饮料机，一般既汽水都有，Coca cola、Coca cola zero、Fanta、Fuze tea、Sprite、橙汁、苹果汁、芒果汁、梳打水等，不过就冇平时牛角有既特色饮料。
食牛角最紧要就系要食牛角饭，呢间放题非常特别，可以自制牛角饭。装适合自己份量既白饭，加入葱花同紫菜，超钟意食紫菜可以落紫菜山，再淋上塩酱或者烧肉汁，就完成一碗度身订造既牛角饭。
侧边仲有热汤包括牛肉昆布汤同牛肝菌忌廉汤。
拎完自助区就番埋位，当时店内唔算好多人，叫左既野好快就送到。
美国见岛特选和牛肩脊肉 ，有一丝丝既雪花纹理，口感油而不腻。
美国见岛特选和牛一口牛，切成三角形状好精致，肉身较厚，咬落好有嚼劲，一口一口回味无穷。
海鲜类包括青口、石斑鱼柳同多春鱼。烧烤上比较需要多花心机既食物，鱼柳食落好软滑，烧既时候都要小心啲，好易整烂。青口好肥美大只，干净冇咩海水味。
系我最钟意食既牛舌，薄切得黎又爽嫩，一如以往咁好食，简直系舌尖上的味道。
牛油金菇系懒人至爱，又方便又好食，烧起上黎牛油味香浓，仲可以再跟自己既口味加调味料。
即食既味付鱿鱼、味付牛舌同炸薯角(4件)。薯角既外皮有少少厚，薯仔质感绵绵配以沙律酱香脆可口。
日本熊本县豚肉眼超级大块，丰厚既肉感，咬落好满足不过略嫌肥肉较多。丹麦鸡胸肉就比较上清爽，透彻既鸡胸肉烤出温和既口味。仲有，烧牛肚真系好难我唔识。
食到咁上下就开始食甜品，去左自助区拎甜品同雪糕。
甜品有窝夫、迷你甜蕃薯、铜锣烧、芒果慕斯饼、迷你宇治抹茶红豆杯、泡芙、椰果、荔枝同菠萝，全部都好迷你。一口泡芙好松软，配以细腻既奶油，甜度岩岩好。迷你宇治抹茶红豆杯既抹茶味道唔够浓郁，不过胜在非常精致。
见到有两部雪糕机，两部都有唔同既口味，当日有云呢拿雪糕、西瓜雪糕、扭纹雪糕，心大心细唔知拣咩味就试下扭纹雪糕，有齐两种口味。不过雪糕食落冇咩奶味，比较上似雪糕冰。
雪糕配料区亦有更多DIY既选择，朱古力酱、士多啤梨酱、迷你朱古力豆、迷你心形棉花糖、七彩熊仔糖等，自制七彩缤纷既雪糕，食埋甜品真系好满足。
店员提醒差唔多100分钟既用餐时间，我地就捧住个肚系个牛角尖钻番出黎。
张贴
