螢雪

营业中

休息中

喺銅鑼灣食Omakase選擇實在太多，競爭激烈嘅情況下呢間性價比高嘅螢雪都吸引到唔小食客捧場。Lunch set包含沙律、前菜、湯、茶碗蒸、甜品，最平$288就有，而壽司set則有$498/11 貫or貴d嘅14貫。😳深海池魚，由淡味嘅魚開始，配柚子皮帆立貝，加了些許橘柚汁帶出帆立貝嘅鮮甜👍🏻左口魚，加上燒裙邊充分帶出魚油香👍🏻伊左目，比較少見嘅魚，肉質軟糯鮮美墨魚配海膽，特別在於入面係蒸熟咗嘅紫海膽👍🏻希靈魚，近魚皮位置較爽彈，肉身則軟淋，口感對比明顯幾有趣鰤魚，冬天亦係佢最肥美嘅時候，油脂分布頗高嘅魚👍🏻赤身醬油漬，配上新鮮芥末籽，帶出呑拿魚獨有嘅酸味赤海膽，係一款來自柊流海產黑金盒嘅海膽，鮮甜味道好特出！餘香久久未散！👍🏻炙燒大拖，炙燒後嘅魚油香十分明顯，入口即溶👍🏻赤海老，以一種切碎後再撈上蝦頭膏嘅方式呈現最後係吞拿魚蓉手卷，中間夾了紫蘇香味突出，玉子燒及茶碗蒸也在水準之中，甜品則有曲奇雪糕。