Cobber Coffee and Tonys Pastry (裝修中)

朋友生日食呢间cafe无得book位，只有walk-in当日7点拎飞，等到8:30先有得入去，但食完间餐厅都算值得等😂如果想食呢间我会建议大家要早起码1个钟黎等位😂😂😂番茄辣肉丸 $68肉丸煎到表面带微㶶,带少少辣蕃茄酱味道。蒜香牛油鸡翼 $68鸡翼都算大只,炸完保留到啲肉汁同好滑。蒜香蟹肉炒意粉 $138蒜味重但唔会好油,每一啖都食到蟹肉。黑松露忌廉磨菇鸡肉炖饭 $148忌廉味较重,闻落黑松露味好香,食落就比较淡,饭软硬度适中,鸡肉份量多得黎食落好嫩滑。佛手柑啫喱伯爵茶忌廉梳乎厘班戟 $127班戟非常松软,配上浓浓嘅伯爵茶cream,周边生果比较酸,但又配上甜甜地嘅啫喱,令成碟梳乎厘超夹。椰子碎冰 $58淡淡嘅椰子味,上面放焦糖脆脆,再淋上黑咖啡,椰子味道衬托出独特嘅咖啡味,加上焦糖嘅香甜。士多啤梨乳酪碎冰 $48士多啤梨果肉和冰混合而成,加入乳酪后令口感更顺滑。