Chef's Stage Kitchen (愉景新城) (已結業)

愉景新城餐厅选择唔多，每次见到呢度都满座，食物应该都唔错，今日6点半趁未多人就入去试试。南瓜忌廉汤～好creamy，几香南瓜味牛油果藜麦沙律～牛油果好软滑、有埋蔬菜、蕃茄、加埋藜麦，口感好丰富，食完都开始饱。炭烧美国天然极黑厚切猪鞍扒～稍为煮得有啲overcook，但系猪味好浓，煎得几香口。意大利烧烤菇扁意粉配黑松露忌廉汁～份量比想像中多，味道非常出色，食落好香黑松露味，但又唔会好漏，要试！炭烧美国顶级1855肉眼牛扒配薯菜～啲坑纹烧得好靓，都几香肉味，但食落都系比较韧，可能5成熟会好啲。另外，伴碟嘅薯蓉好滑好creamy。