Lam Tei Grill

营业中

休息中

话说呢间餐厅唔经唔觉都帮衬左好多年！有一次同朋友提起呢间餐厅，朋友第一个反应系:间野好串个㖞！不过对于我来讲，呢度系充满人情味嘅西餐小店，系外面连锁式经营手法嘅餐厅揾唔到嘅风味。老老实实，呢度又真系几串，礼拜三休息(好似系)。有阵时老板会去旅行，当佢去旅行嘅时候就全店休息，索性唔做生意。。不过坦白讲呢度招呼其实都算唔错嘅，每次嚟到都见到老板娘坐喺出边一个小小的花园位置饮酒倾计，一副唔忧做嘅感觉出晒嚟，好正。不过有麝自然香，要达都唔优做嘅境界，确系有啲野嘅。而对于我来讲呢啲叫做:特别好食。我差唔多每次都系为咗佢个餐包而黎，佢嘅手制餐包，出面真系食唔到！整个包都系白雪雪，外面脆而不硬，里面带有烟银口感！好味到我经常都想encore，不过唔好意思讲。。如果牛油可以换成更加香嘅总统牛油就更加好。今日我食左长通粉，唔使特别介绍。因为都系一如以往嘅好食。