新沙洞澡堂 (已結業)

新沙洞澡堂系长沙湾一间人气打卡韩国餐厅，之前已经成日喺社交平台见倒好多人喺门口个澡堂位打卡，有次喺周末经过见倒出面劲多人排队，今次揾左个平日夜晚同朋友黎试下。当晚18:30黎到得两三枱客，仲以为平日会冇乜人，后尾去到19:00后都越黎越多人，最后都差唔多坐满人。一入门口就会见倒哩个澡堂打卡位，哩度基本上系唔会坐人嘅，所以随时出黎打卡都可以。店内分左黑白两个区域，近门口用白色伕大主调，墙上仲有镜同花洒头衬返澡堂风格。再行入啲就用左黑色做主调，所以尽头都有一幅烧酒场配合返暗黑形格路线。新沙洞主打食新派韩菜，炸鸡、部队锅、生菜包猪肉、水冷面、韩式炒粉丝都有，有套餐亦有散叫，如果本身会叫套餐，预早喺openrice买会有88折。我地叫左个辣炒年糕套餐($350/Openrice优惠)，佢包左辣炒年糕、细份炸物拼盘、牛角酥窝夫同两杯梳打特饮。另外我地仲散叫左几样野share。蓝柑橘白桃梳打特饮 & 西柚梳打特饮(跟餐免费) - 两杯特饮颜色都好靓，唔会太甜，西柚梳打都唔会有涩味。柚子萝卜($20) - 萝卜好爽口，因为加左柚子，所以开胃得黎唔会太酸。炸韩国午餐肉条($58) - 午餐肉炸皮香脆，