卡莎338 (已結業)

最近就同旧同事一齐去食饭聚旧，拣咗间位于长沙湾嘅西餐厅。餐牌有平有贵，平有平食贵有贵食。自定pizza（千岛酱鸡肉菠萝蕃茄）＄78薄饼个饼底比较薄，都系最近最兴嘅做法，最正就系材料可以自行配搭，自己想食咩就拣咩，可以有一个酱汁，一款肉类同埋两款蔬菜类，我哋当然配搭得好好，所以食粒无论系口感定系味道都一流，质素都真心唔错，有芝士呀！香煎澳洲牛肉眼意粉＄108牛肉眼就唔算太厚，不过里面红红地都可以。比较多筋位⋯⋯质感都可以嘅。同价钱差唔多啦～招牌德国咸猪手配蜜糖芥末汁＄168德国咸猪手真系好大只，影相嘅时候都好靓，但系之后就谂起切咸猪手嘅问题，最后由我哋几个gentleman夹手手切，都切左一段时间，唔知本身店员会唔会帮手切，但见佢哋冇主动讲起我都费事问～好尴尬！咸猪手果然咸香十足，但系又唔会过咸，个皮仲有啲脆。焗苏格兰石蚝即开即焗$20大大只，可惜系朋友食，睇落好鬼正，仲有个黑色嘅板载着～法式田螺焗薯蓉＄28就普普通通，不过不失，味道比较咸。法国Gillardeau $38 x2生蚝就真心海水未够重，不过又唔会太过过分，唔系太食到好浓味的都可以食。