味道樂居酒屋 (元州街) (已結業)

味道乐听就听人食得多，今次终于到自己食，铺面装潢好有日本地道风味。睇见menu样样都想食，叫咗几样出名嘅。Facebook 俾like有嘢送，呢D so嘢即做黑松露溏心蛋，无谂过送嘅都咁足料，黑松露味浓。胡麻酱冰菜沙律，麻酱味必点，冰菜以前喺石垣岛食过，呢度D冰菜好爽 好好味。烧鳕鱼干，非常香口，送酒一流。泡菜黑豚肉卷，串烧水准一流。深海池鱼王刺身，极爽口，鱼生片切得好薄，入口口感一流。重中之重-原条烧鳗鱼饭，真系长到你唔信，仲要个鳗鱼汁捞饭，非常惹味。食到捧住走都系六旧水。总结：地道居酒屋风味，食材新鲜，无论晚餐定饮啤酒小食俱佳，唯店面略小，peak hours 要等位，但物有所值。门口可9泊，但后果自负。