辣蟹舫 (已結業)

今日放假来长沙湾揾朋友聚下，系佢屋企附近原来有间专食炒蟹的餐厅，见到相都好靓，就同朋友入来试下。开业4周年的优惠套餐好抵食，$588已经有一只炒蟹同两个小菜，加个白饭就好够饱。今次无叫避风塘炒蟹，叫咗黄金炒蟹，见到颜色卖相好靓，蛋黄份量多，入口咸香，好惹味，蟹肉弹牙鲜甜，多肉厚身，吸晒蛋黄的香味。冰梅猪扒，厚身嫩滑，酸梅汁酸酸甜甜，好开胃，猪肉味浓郁，咬开多汁香甜，香味散发。烧汁野菌牛仔肉，有冬菇，青椒等配菜，味道较清新，烧汁好惹味，渗入牛肉当中，牛肉肉质嫩滑有嚼劲。食饱后餐厅仲送咗张优惠券比我地下次可以用，惠顾一只蟹就送多一只，超值的，下次又可以约朋友再黎食。