香辣鮮

营业中

休息中

长沙湾有间《香辣鲜》，从对面马路已经望到色彩缤纷的门面，十分抢眼！我同朋友都系无辣不欢，于是决定入去试吓！环境舒适，座位唔会太迫，见到有鸡煲，但又想食胡椒猪肚㖞，最终都系拣咗《咸酸菜胡椒猪肚》加半只鸡，套餐仲可以拣多一样小食，想试《秘制泡椒鱼皮》，唔系度度食得到，都应该唔错！先上了小食，泡椒生鱼皮爽口入味，加入好耐冇食嘅蚝油豆，开胃又好味😋咸菜猪肚汤底一流，唔怪之得招牌菜之一！加入香葱蒜头、洋葱、马蹄、秘制香料，酸菜汤底够晒入味，胡椒辣味唔会太呛，加多半只鸡，两个人食分量刚刚好。饮品叫了《大大杯系列》冻柠乐和冻柠蜜，一上枱就吓一跳，果然够晒大大杯！对住火炉饮冻嘢，大大杯先够爽呀！店内仲有其他推介美食，下次可以试吓香辣鸡煲同埋烤鱼！👍