源味開元米線 (已結業)

长沙湾好推介，唔使返大陆长沙湾都食到好烤鱼。 今日经过长沙湾见到间米线舖新开张 ，当然要入去试一试佢 。入到去先发现原来是一间非一般的米线店。 入边唔单止有米先线仲有烤鱼同鸡煲。 呢排食得太多肉所以嗌条烤鱼试一试佢， 老板仲同我哋讲呢度嘅嘢食 ，用咗好多心机去整 用埋正宗四川香料炮制 。讲到咁梗系必试， 我哋嗌咗条海鲈鱼用酸菜煮， 鱼先煎封再在盘上煮， 上边有薯仔豆腐酸菜等等。薯仔切条非常入味而且住得够淋，令我食唔停口， 跟住食主角海鲈鱼，鱼肉结实非常新鲜。 加上煎封嘅做法加上酸菜，真系好夹。 至于配料我哋嗌咗手工面， 原来呢度嘅手工面大有来头，系每晚 由拉面大师傅即场打造 ，食落口感非常特别，绝非 一般交货。绝对要试，另外我哋嗌咗小食麻辣肺片， 肺片够麻够辣 想食正宗四川味道绝对要试。另外是饮咗呢度嘅百香果，唔太酸亦唔太甜。味道刚刚好非常解渴。而且充满咗百香果粒，老板日同我讲呢度嘅嘢饮喺佢哋即场新鲜打造。 喺出面饮唔到。系呢度一定要试。最后我地又饱住走，满足的一餐。