喜泰味

营业中

休息中

估唔到长沙湾都有间咁好食嘅泰国餐厅！同女朋友嗌左个两人套餐（$188）+两个小食（$38x2）+椰青（$38）都已经好饱！我地叫左马拉盏炒通菜+青咖喱鸡+串烧（2鸡2牛）+薄饼！由于已经加左薄饼，所以白饭我地净系要左一碗渣！先黎一个小食：虾饼！好有虾味～而且好脆口！绝对系开胃小菜先讲个通菜，炒得非常香口，好有获气，而且仲落左啲虾干粒～仲有微辣嘅感觉～重点系个青咖喱鸡！个汁非常creamy!!唔会落太多水觉得好稀，无沟啖晒个味！而啲鸡亦都好有嫩滑！无鞋恰恰嘅感觉！啲配料亦都好充足！至于个小食，串烧烧得非常入味！个人比较中意鸡！烧得最香！再配埋佢个酱汁真系perfect池！因为有粒粒花生系入面架！而个薄饼，都好酥脆！再点埋个青咖喱汁真系一流！我同女朋友都食到好饱！！所以嗌一个白饭真系岩岩好！饮品方面，嗌左泰式奶茶（少冰少甜）！茶胆好突出～而且甜品岩岩好！饮落去好香滑～女朋友嘅椰青都好好饮！好鲜甜！椰肉都好厚身！作为甜品真系一流！总括然而，呢间位于长沙湾嘅泰国餐厅真系几地道几正宗！价钱亦都合理，记住要加一～有机会再黎一定会encore!!