Second Bite Bar & Grill (已結業)

长沙湾美食居多，今次放工黎到呢间距离地铁站大约10分唔程嘅second bite 西餐厅小店。虽然唔算太近地铁站但绝对要推介!餐厅内外装修带工业风格之余加点艺术元素。墙上挂满多幅超大挂画，等食之余都可以欣赏下先~厨房喺开放式，可以睇到厨师烹调过程。餐牌选择好多，海鲜喺其主打菜式。手抓海鲜人气好高~先选海鲜种类，再选配菜及酱汁。我地叫左手抓海鲜入面嘅扇贝同膏蟹配野菌，蒜蓉牛油汁。另叫左原只波士顿龙虾牛角包。牛角包几大只~满满龙虾肉夹喺牛角包中间，仲有2只非常完整嘅龙虾kim肉!牛角包要大赞，超酥脆，食得出有好多层次感嘅酥皮! 大啖咬落去一次过有牛油香味，酥脆加龙虾鲜味嘅感觉~餐厅非常贴心，提供围裙及手套比客人食海鲜。手抓海鲜卖相非常有惊喜。膏蟹几大只，喺用炸嘅方法烹调。呢种食法第一次试~炸过嘅膏蟹非常香口，最重要佢嘅肉质非常弹牙，鲜甜同补留左蟹肉嘅肉汁! 呢度菜色香味都喺满分!蟹盖嘅大蟹膏都保留左，蟹膏炸完更香~蒜蓉牛油炒出黎嘅野菌好惹味，食到停唔到口呀。Second bite绝对可以称为隐世小店，非常值得一试，大饱口褔。