回憶客棧

营业中

休息中

喺长沙湾有间隐世嘅小店，佢哋嘅花甲粉有好多人推介，所以我哋专登去试。招牌花甲粉：花甲份量颇多，够哂新鲜，洗得够干净，完全无沙，肉质鲜甜，而佢哋嘅粉丝口感够哂爽口，吸哂花甲精华嘅汤汁，令每啖粉丝都变得好鲜甜。而佢哋仲可以选择加辣，令鲜甜美味嘅汤底多添一份惹味。原条烧茄子：用咗好多嘅蒜蓉，所以有浓郁蒜香味。豆腐卜：调味得宜。大块鸡扒：份量颇大，店家细心将其切开，可以方便互相分享。鸡扒外皮香脆，肉嫩多汁，加埋佢哋嘅孜然粉令到鸡扒更加惹味。鸡泡鱼干：鱼干烧得啱啱好，口感软硬适中，加埋味道香甜，蘸埋附上嘅蛋黄酱，更令人一食上瘾。