翠湖海鮮酒家

营业中

休息中

经邻居介绍长沙湾广场近排开咗一间新酒楼，野食几好食，终于今日有机会去试下。未行入门口，店员推荐左新张优惠套餐，其中最抵食要数$388有烧鹅半只再中加上汤龙虾伊面或清蒸东星班。其余新张优惠有$218烧乳猪，$148咕噜肉，$288单点上汤龙虾伊面或清蒸红东星班等。首先要赞一赞呢间餐厅嘅环境，由于新开张嘅关系，装修好新净，环境都好卫生，值得一赞，希望黎紧都可以keep到。继续讲番食物，由于我哋想食乳猪，所以最后点左乳猪半只，再加左一碟小炒皇，先讲乳猪，烧得皮脆肉嫩，而且只猪都食得出比较新鲜，或者处理得当，食唔到雪味，而且只猪整体都好瘦，唔会食到啖啖油，再到小炒皇，炒得够镬气，而且都食得出几足料，有鲜虾有鱿鱼仲有其他海鲜，仲有鱼干仔同虾干，认真唔错。食完之后仲有碗红豆沙送，而家酒楼黎讲都真系买小见小。