味道樂居酒屋 (元州街) (已結業)

两个人食，一男一女嗌咁多道𩠌最后食唔晒，大家去就建议量力而行，控制好个份量。柠檬威士忌梳打友人话有啲似洗洁精味，饮落口威士忌味比较出，唔钟意酒精味重嘅朋友就唔推荐嗌呢杯。白桃烧灼梳打呢杯就好啲，甜甜地易入口。香炸一口芝士不过不失，但芝士味唔算浓。带子两个字——鲜甜，十分推荐👍🏻炭火烧鳗鱼饭大大份，鳗鱼够大条，但应该都系包装鳗鱼黎，饭就普普通通炒饭底，一试无妨。牛肉寿喜烧大份兼抵食有豆腐、南瓜、娃娃菜等。明火炉仔，keep到个温度，记得得闲就搅下，以免黐底。最后like social media送黑松露溏心蛋，味道都不错。总结：环境静谧，唔会觉得店员滋扰。值得特登去食，而寿喜烧同带子就必嗌。