阿來泰式地道風味 (已結業)

呢日个朋友又喺长沙湾返工，所以一齐食晏，其实呢头好多食肆但唔系成日谂到食乜，谂起天悦附近有间泰国餐厅，之前食过都OK，所以今日就再嚟食下。餐厅喺呢头嚟讲都算大，亦都多人食，附近有唔少🇹🇭泰国菜，但成日都要夜晚先开。阿来就唔同喇，有做埋午市，亦有提供午市套餐平均$4x有一个。我就叫咗泰式冬阴公汤金边粉配猪颈肉($45)。一开始个店员落错单落咗清汤，嚟到本身谂住都算啦，但食咗啖个味怪怪地，真系食唔到落去，所以最终都系换咗。好彩店员都即刻肯换完全冇刁难我👍🏻，不过就唔肯认落错单...。Anyway讲返碗粉，个冬荫公汤底都算唔错，唔会太辣，朋友唔食辣都话OK，而且有啲菇🍄几索味几好食，但有多啲就好啦哈哈。金边粉唔算好多，对细食咗嘅我嚟讲就啱啱好。猪颈肉就有少少失望，唔香口唔算好食。至于朋友就要左泰式炒金边粉($44)，其实我之前就系食过呢个觉得几好食😋，而今次亦一样，所以有啲后悔冇叫到。分量唔算好大碟，但炒得几干身，个味酸酸地又有少少辣，好食好食。我下次再来的话都系叫返呢个算👍🏻。午餐就包嘢饮，热饮唔使加钱，冻饮加$2 ，特饮就加$5。我就要咗杯🍋青柠梳打(+$5)，好多冰下，但个味正常。本身