影片
更多
2024-03-26
1444 浏览
早几晚约左两位朋友仔，一行三人来到长沙湾食晚饭，上网揾到呢间日本餐厅，价钱亲民，所以就决定去试下。店舖唔算好大，但坐落都唔算太逼。上网睇过其他reviews，好多人都推介牛肉锅同埋吉列猪扒，所以我哋决定叫一个2人餐，入面有齐呢两款食物，再另外加啲小食。呢到嘅店员好nice，会主动同我地介绍食物，成餐饭亦会主动走来走去帮食客加水执枱，完全唔洗特登举手叫人来。~~~~~~~~~~~~食物介绍~~~~~~~~~~~~🤩精选二人餐(HKD 298) 以下为套餐内包括嘅食物:🐂安格斯牛肉锅牛肉锅内嘅牛肉份量十分多，牛肉食落新鲜，汤底偏甜配饭食一流，食客可以根据自己口味另外加上芝麻同七味粉。🐗吉列极上鹿儿岛黑毛猪我哋最期待就系呢个吉列黑毛猪，上菜前店员先送上一碗芝麻同炸猪排酱，客人可以根据自己喜爱嘅口味同口感去磨碎啲芝麻，再倒上炸猪排酱一齐搅拌，然后用来沾一阵嘅猪扒。到主角吉列黑毛猪，size唔细，咬落十分之脆口，但外层嘅炸粉唔会太多，猪肉唔会炸到好干身。呢个绝对系今晚嘅VIP🐓盐烧鸡翼相比套餐内前两份食物，烧鸡翼就比较逊色，鸡翼有啲干，食落味道上较淡。~另外仲有烟鸭胸沙律，白饭，味噌汤，日式甜品
早几晚约左两位朋友仔，一行三人来到长沙湾食晚饭，上网揾到呢间日本餐厅，价钱亲民，所以就决定去试下。店舖唔算好大，但坐落都唔算太逼。上网睇过其他reviews，好多人都推介牛肉锅同埋吉列猪扒，所以我哋决定叫一个2人餐，入面有齐呢两款食物，再另外加啲小食。
呢到嘅店员好nice，会主动同我地介绍食物，成餐饭亦会主动走来走去帮食客加水执枱，完全唔洗特登举手叫人来。
~~~~~~~~~~~~食物介绍~~~~~~~~~~~~
🤩精选二人餐(HKD 298)
以下为套餐内包括嘅食物:
🐂安格斯牛肉锅
牛肉锅内嘅牛肉份量十分多，牛肉食落新鲜，汤底偏甜配饭食一流，食客可以根据自己口味另外加上芝麻同七味粉。
🐗吉列极上鹿儿岛黑毛猪
我哋最期待就系呢个吉列黑毛猪，上菜前店员先送上一碗芝麻同炸猪排酱，客人可以根据自己喜爱嘅口味同口感去磨碎啲芝麻，再倒上炸猪排酱一齐搅拌，然后用来沾一阵嘅猪扒。到主角吉列黑毛猪，size唔细，咬落十分之脆口，但外层嘅炸粉唔会太多，猪肉唔会炸到好干身。呢个绝对系今晚嘅VIP
🐓盐烧鸡翼
相比套餐内前两份食物，烧鸡翼就比较逊色，鸡翼有啲干，食落味道上较淡。
~另外仲有烟鸭胸沙律，白饭，味噌汤，日式甜品各两份，但可惜太饱嘅关系，我地无要到个甜品，听店员讲可以拣雪糕或布丁。
🤩烧鸡软骨(HKD 30)
鸡软骨烧得几唔错，烧得唔会太干，食落爽口有油香，调味亦恰好。
🤩明太子鸡翼(HKD 48)
由于我十分喜欢明太子，所以我就叫左份明太子鸡翼，但呢款食落口，明太子嘅感觉怪怪，唔知系咪因为明大子𫗵左入去鸡翼到再煮熟左，无乜明太子嘅味道。
🤩炒杂菜(HKD 58)
每餐饭我都追求要啲蔬菜，所以就叫左份炒杂菜，调味恰好，食落唔会太咸，亦唔会太「油淋淋」。
~~~~~~~~~~~~~~~~~~~~~~~~~~~~~~
🇯🇵区内贴地日本菜小店
💰性格比高
🤵🏻服务十分好
张贴
