Gusto Cafe (已結業)

长沙湾真系十年都唔去一次，咁难得去到就当然要揾啲野食下啦！见呢间唔洗等位就入去试试，都有啲惊喜㖞！啤酒炸鱼柳薯条（$65）大大件鱼柳都几滑，炸酱沾得好均匀而且都脆，薯条系粗薯，份量都好多，最后都食唔晒！法国酱烧猪仔脾（$118）法国酱应该有蜜糖，搽满左猪仔脾再烧，甜甜地既酱汁都几入面，但猪仔脾好似有点干身。有4大件加埋啲配菜（佢选择用紫薯蓉，饱肚之余又唔会好似平时用薯蓉咁滞，几好味），都几够食！烤纽西兰羊架配阿根廷青酱（$158）个羊架处理得岩岩好，唔会话煮到得韧好老，中间仲有微微既粉红色而且都几juicy! 羊架一啲都唔膻，加埋个青酱真系几好味！总括黎讲，虽然餐厅环境比较暗，但主食既食物质素都唔错，起码喺长沙湾唔洗食茶餐厅先啦！同埋佢咁既价钱都算几抵食，份量都几多啊！