大煲皇小廚

营业中

休息中

同一大班朋友聚会，九成都系打边炉，长沙湾大家都就脚，所以长期都帮衬佢。多年不变，佢嘅牛颈脊系必须要食，渌一阵就得，软绵绵又重牛味，用沙嗲汤就最夹。另外桂花蚌非常爽脆，云吞水饺大大粒胀卜卜，新鲜鹅肠唔系度度有得食，呢个一定要嗌嚟试吓，猪粉肠都洗得好干净，完全冇臭味怪味，脆骨腩爽脆弹牙，呢度有个好，就系可以要求要长骨腩，如果怕哽骨就可以嗌老板帮帮手😆，仲有墨鱼滑拼虾滑都走唔甩，另外嗌完会再嗌嘅仲有鳝片，最紧要冇泥味够弹牙。另外佢哋有啲小食都好出色，凉拌鱼皮、口水花甲同埋辣味鱿鱼，呢几个做钱财都一流，大家不妨去试吓。