甜記餃子 (已搬遷) 新店位置

是日行过长沙湾区，因为好钟意食饺子所以撞入去。店内虽然不大但楼底好高，亦坐得好舒服，一d都唔逼。唔算好肚饿，叫左牛肉煎饺、羊肉煎饺双拼，羊肉煎饺一入口超重羊味，重要爆汁超好食！羊爱好者必叫。牛肉煎饺个味比较清但都同样爆汁好好食。饺子大细岩岩好，而且唔会好似出面好多舖劲厚皮，皮同馅既比例岩岩好。如果肚饿可以加少少钱加个面底，但我想叫多个小食所以无加到小食选择好多，个日无咁想食辣所以叫左醉猪手，平时多数食德国个种炸猪手，估唔到呢种醉猪手更多食！酒味唔会太浓太淡岩岩好，非常入味。食落一d都唔肥腻反而好有咬口，岩晒我钟意补充骨胶原。同老板倾左两句，原来先开咗无一个月，未来仲会想推多几款小食。讲真差唔多价钱如果唔想食茶餐厅咁闷不如黎呢到食d有诚意既野，高水准小店值得大家既支持！