上勝日本料理 (昌隆工業大廈) (已搬遷) 新店位置

周末无lunch set，座位下有位置放袋几好，墙身壁画既和风味浓，背景播住日文歌，环境不错啦，但坐耐有油烟味，通风系统有待改善。极上牛肉冷面$68鸡蛋系半白烚蛋，芝麻酱配冷面不过不失吧。特上海胆丼$80丼饭用既系赤醋，味道比较浓，所以都无再加配日式酱油，配料颇为丰富，有海胆、牡丹虾、带子、三文鱼籽、蟹籽、玉子。可惜带子同虾都好腥，海胆出左水感觉亦唔新鲜，成个饭变左有腥味食唔到底。由于饭用赤醋味道浓，反而配玉子好配饭，个人认为要角切鱼生先用呢个饭比较好。蟹籽沙律$10所有饭可以追加$10配上蟹籽沙律，大部分系青瓜，只有少量蟹柳丝。