串點 (已結業)

 今次黎到长沙湾呢间小店串点食串烧😋店铺细细，入面既布置都系以露营为主题，有露营台凳、餐具，仲有露营灯系台面，啱晒打卡🤩  1️⃣芝士猪颈肉捞一丁（$58） 芝士溶左系啲猪颈肉上面🤤个一丁捞埋食到几香芝士味，但系又唔会腻，猪颈肉烧得好够香，而且食落唔干👍  2️⃣烧汁澳洲肉眼拌饭（$118） 肉眼份量都几多，铺满左半碗饭。上台既时候见到中间仲系粉嫩既颜色，肉味香浓唔韧，饭系偏干爽既，食落口粒粒分明既感觉，配埋啲蛋丝同洋葱丝食都几好食😌  3⃣️牛舌芯（$68）呢个正wor～食落口系有弹性既，亦都有啲油脂感。  4⃣️沙嗲咖喱鸡肉串（$22）店员话佢地既沙嗲系秘制既。食落去感觉唔会太浓沙嗲味，甜甜地，中间鸡肉好滑好嫩。  5⃣️脆骨鸡肉丸子（$22） 几特别呢款。鸡肉丸中间混合左啲脆脆既软骨，外面系甜甜地既照烧酱味道。  6⃣️大葱鸡肉串（$28） 葱同鸡肉好夹！鸡肉真系好滑～  7⃣️口水鹅肠（$48）鹅肠食落爽口弹牙，口水汁微辣，系一个唔错既前菜。  8⃣️蟹肉可乐饼（$28）上台既时候仲冒紧烟😍中间蟹肉忌廉涌晒出黎。食落炸得好脆，中间既蟹肉忌廉细滑。