串點 (已結業)

近年多咗人钟意去露营，止下旅行瘾，不过依排成日天阴落雨，而依间露营风格的串烧店就可以满足下去露营的欲望，唔怕日晒雨淋。小店门口唔太起眼，摆放了单车和两张露营櫈，里面座位唔多，有高枱位和露营用的折枱折櫈位，枱面摆放了露营灯，都真系好似去咗camping 。小店有提供小食、烧物、炸物和面食类。🍢 西班牙黑豚腩 肥瘦参半的猪腩肉好有油香味，肉质爽口唔韧。🍢 炸鸡件 鸡件皮薄而且非常脆，里面肉质滑嫩，好推荐！🍢 脆骨鸡肉丸子一串有三粒由免治鸡肉搓成的肉丸，肉质软嫩入味，里面混入软骨，好有口感。🍢 鸡肉串 (冬阴功／沙嗲咖喱味）鸡烧得有焦香味，鸡肉唔会干，鸡肉腌得入味。我特别钟意冬阴功味，酸酸辣辣，有泰式香草味，好惹味。🍜 黑松露忌廉海鲜乌冬忌廉汤乌冬里面有杂锦海鲜，包括青口、小虾仁、鱿鱼、蚬肉）、菇和紫洋葱，乌冬爽口弹牙，忌廉汤浓稀度刚好，带有阵阵黑松露味，唔会太咸，所以我忍唔住将汤都饮埋，食完亦唔会觉得口渴。🙋🏽‍♀️想知更多饮食资讯, Follow Instagram: misslittlebigeater 🙆🏽‍♀️