味道樂居酒屋 (元州街) (已結業)

今日喺朋友嘅介绍下嚟到呢间味道乐居酒屋，本来无谂过写野，不过食到好野梗系要开心SHARE啦！一去到门口，已经俾佢嘅装修吸引；装修主要用木，墙身用咗清酒酒樽同日本名信片装饰，餐具都睇得出有花心思虽然地方唔大，最多坐到30人，但系有真．居酒屋嘅感觉。去得居酒屋，梗系要饮酒啦；清酒选择算多，不过今日要咗杯麒麟生啤。叫咗3个小食，两款烧物 同埋 1款一品料理先讲小食︰烟肉樱花虾煎广岛蚝 – 蚝味好鲜，烟肉够咸香，樱花虾吸咗烟肉嘅香，好味！两个人每人食两只啱啱好芝麻鸡翼 – 未放落台已经闻到香味，望落胀卜卜，火喉啱啱好。外脆内JUICY，油香四溢，强烈推介香炸日本池鱼仔 – 初初以为会好细份，原来都有9至10条。鱼头鱼骨都俾我食哂落肚，送酒一流轮到烧物：盐烧厚切特上牛脷 – 唔会烧到干哂，有咬口，唔会过咸汁烧大白鳝 – 平时都少叫白鳝，因为太多骨，不过呢个好正，烧汁入哂味，GOOD主角一品料理：静冈一夜干烧的鲷 – 鲷鱼食得多，不过呢个煮法第一次食。比起平时嘅烧鱼更咸鲜，鱼肉唔会「散收收」，鱼皮都送酒好正今次无叫寿司刺身，同佢最出名嘅鳗鱼饭，下次嚟一定会试！