影片
更多
2019-04-04
818 浏览
餐厅：醉鸡煲 (长洲)地址：长洲北社七里3号地舖趁着假期入到去长洲，因为有当地居民介绍嘅关系，所以就去咗一间叫咗醉鸡煲嘅餐厅食晚饭。晚上大概八点，餐厅几乎爆棚，呢度尤其系建道神学院学生嘅聚餐地方，餐厅外五围有两围已经系建道神学院嘅学生黎🤓我哋五个人一坐低，老板娘就已经好好客咁介绍比较多人叫同埋餐厅嘅特色菜，而我地亦都决定试一试呢度出名嘅鸡煲。云腿鱼肚鸡煲(一只)呢个鸡煲无论系云吞、鱼肚、定系鸡都系超级足料，我哋五个人叫一只都有啲多，鱼肚差唔多都有成30块咁济，爽口弹牙。汤底非常浓郁，老板娘话系一大煲由好多只鸡烹调几个钟而成，精华中嘅精华都系哂入面🤤每一啖汤都鲜鸡味，真系捞饭都可以食几碗😎菠萝咕噜肉咕噜肉无得顶，每一旧肉都系外脆内热，汁唔会太多所以唔会有好腻嘅感觉。大概20旧嘅咕噜肉令人食完一旧又一旧，话咁快就食哂😂虾仁炒蛋炒蛋相对比较少蛋味，可能系比虾仁嘅鲜味抢左，不过韭菜增加咗成碟炒蛋嘅口感，救返唔少分。啫啫通菜煲虾酱汁唔会太浓太咸，个人认为酱汁嘅比例调较得岩岩好，通菜亦容易撕开，唔会过咗火候。食完饭同朋友坐咗一阵，见到老板娘、员工同食客都坐系同一张枱有讲有笑，可见长洲居民嘅关系有几
地址：长洲北社七里3号地舖
趁着假期入到去长洲，因为有当地居民介绍嘅关系，所以就去咗一间叫咗醉鸡煲嘅餐厅食晚饭。
晚上大概八点，餐厅几乎爆棚，呢度尤其系建道神学院学生嘅聚餐地方，餐厅外五围有两围已经系建道神学院嘅学生黎🤓
我哋五个人一坐低，老板娘就已经好好客咁介绍比较多人叫同埋餐厅嘅特色菜，而我地亦都决定试一试呢度出名嘅鸡煲。
云腿鱼肚鸡煲(一只)
呢个鸡煲无论系云吞、鱼肚、定系鸡都系超级足料，我哋五个人叫一只都有啲多，鱼肚差唔多都有成30块咁济，爽口弹牙。汤底非常浓郁，老板娘话系一大煲由好多只鸡烹调几个钟而成，精华中嘅精华都系哂入面🤤每一啖汤都鲜鸡味，真系捞饭都可以食几碗😎
菠萝咕噜肉
咕噜肉无得顶，每一旧肉都系外脆内热，汁唔会太多所以唔会有好腻嘅感觉。大概20旧嘅咕噜肉令人食完一旧又一旧，话咁快就食哂😂
虾仁炒蛋
炒蛋相对比较少蛋味，可能系比虾仁嘅鲜味抢左，不过韭菜增加咗成碟炒蛋嘅口感，救返唔少分。
啫啫通菜煲
虾酱汁唔会太浓太咸，个人认为酱汁嘅比例调较得岩岩好，通菜亦容易撕开，唔会过咗火候。
食完饭同朋友坐咗一阵，见到老板娘、员工同食客都坐系同一张枱有讲有笑，可见长洲居民嘅关系有几深厚☺️
张贴
