長洲冰室

营业中

休息中

相信大家都听过长洲冰室呢间打卡甜品店😆餐厅设有室外室内嘅位，室外嘅位比较阔落舒服。而且餐厅设有最低消费，大家要留定个肚子食甜品啦😙------------------------------芒果三色圆冰 $60 【7.8/10】芒果嘅颜色配上紫色嘅芋圆真系啱晒打卡😻芋圆口感几烟韧爽口，食得出有紫薯、芋头同埋蕃薯三只味。芒果雪糕几甜，有啲似雀巢雪糕😂 剉冰嘅芒果味唔会愈食愈淡👍🏻------------------------------芒果西米露 $26 【8/10】呢个甜品比较普遍，表现正常。虽然冬天唔系芒果盛产季节，值得一赞嘅系芒果都几鲜甜😋------------------------------椰皇桃胶三色圆炖奶 $55 【7.5/10】炖奶热辣辣，系寒冷嘅天气下饮真系暖入心扉🥰 炖奶表现正常，奶味可更突出。