甘永泰魚蛋 (已結業)

每次经过长洲，都一定会食长洲大鱼蛋！今次嗌咗全长洲大鱼蛋加麻辣味，鱼蛋有好浓郁嘅鱼味同够晒弹牙，仲好大粒添！加埋麻辣味酱汁，够晒香同惹味，好吸引🤩另外仲叫咗个鱼肉酿豆卜，呢款小食系即叫即炸嘅，所以炸出嚟第一啖食个口特别香口同脆卜卜，中间嘅鱼肉腌得好够味，一啖食落口嘅时候好有层次。同埋舖头好细心，炸完之后会攞纸巾包住食物先比客人，呢个做法好好，因为纸巾可以帮手吸收返多余嘅油，食落就唔会好油腻！整体嚟讲，啲食物都几唔错。而且呢间舖头开得好早，就算我哋早啲入长洲都可以食住小食先，再慢慢游览长洲嘅风景，真系好呀！