新潮發海鮮菜館

营业中

休息中

今日入长洲玩，入了新潮发食晚饭，点了几款小菜。餐厅送一碟生菜，粟米羹😍，都够一人一碗。先饮一碗粟米羹暖下胃。浓稠度适中，有粒粒粟米同蛋花，甜甜地，几好。椒盐鲜鱿即叫即做，外层炸酱不算太厚，鲜鱿够厚肉，外脆内软，唔错👍🏼蒜茸蒸开边虾虾已经开边，唔使用手搣开，唔怕整污糟手，虾唔算太大只，鲜味加蒜味好正。豉汁凉瓜凉瓜健康又清热，份量都算多，甘甜爽口。海鲜豆腐煲都有几多海鲜，鲜鱿，鱼块，鲜虾，西芹，豆腐，个味道都调得唔错，唔会好咸。潮发小炒王餐厅推介，有镬气，材料好多，有腰果，韭菜花，虾干，叉烧，青椒，红椒，花生🥜，鲜虾，口感层次丰富。蒜蓉蒸扇贝本身得四只扇贝，餐厅见我哋五个人，就主动话送多只😍蒜蓉粉丝蒸扇贝个配搭基本上冇得输，味道鲜甜！小菜加汽水，食到很饱呢。