伴日

营业中

休息中

呢间位于长洲后街嘅日式餐厅门面并唔显眼，落地玻璃窗厨前简单挂起日式布帘作为招牌，室内装修简约舒适，白色墙身搭上少量相片/装饰，配木制枱櫈及柔和黄灯，播放日文歌，真心有远离烦嚣嘅感觉。食物种类都算多、有丼、定食、茶渍饭、冷面、饭团，亦有儿童餐嘅选择，甜品柜仲有特色甜品。第一次嚟，想试下佢嘅set，叫左章鱼烧定食、配烧饭团、前菜、昆布汤及饭品。烧饭团可以转原味饭团或者加钱转其他饭团甚至茶渍饭，好想试下茶渍饭，但又想试左佢个原set先，同埋未试过烧饭团，好想试下鬼灭好好味嘅烧饭团究竟系咩味，最终乜都无转。前菜系莲藕片，清脆爽口 （8/10）主食章鱼烧章鱼粒劲细粒、粉团为主，唔掂🫠 （3/10）烧饭团虽然乜馅都无、但味道有惊喜😍 两面烧到少少饭焦好香、日本米饭粒软熟、少少油喺面，咬落少少烟韧但又好易食，饭团又唔会一咬就散晒，无令我失望🥰 （8/10）昆布汤清淡略有甜味，搭配饭团几夹。（8/10）份量嚟讲女仔应该啱啱好，男仔嘅话略嫌唔系好够。胃口大少少嘅朋友要认真考虑。总括嚟讲可以encore，但强调建议唔好拣章鱼烧！下次会想试茶渍饭。