故鄉俱樂部 (已搬遷) 新店位置

週末想遠離煩囂, 又想買吓食吓, 長洲絕對係一個好選擇。去過長洲掃街, 就會發覺到街頭大部份小食既款式都是倒模式。即使行過了店舖, 轉過小巷又可隨手買到同款小食, 味道價錢也大同小異,  無太深刻印象。唯獨故鄉俱樂部既手卷令我一試難忘, 依家每次去長洲都一定會去食。手卷價錢雖然唔係特別平, 但就非常足料。好似我今次簡左哩款腸仔蟹柳手卷,廿五蚊, 原條雞肉腸同蟹柳上之餘, 店員仲會毫不吝嗇放入大量蟹籽同沙律醬係手卷裡面。單單蟹籽既數量已經值回票價。另外哩到係即叫即製, 感覺好新鮮。多醬少醬只要同店員姐姐講, 佢都會好有禮貌咁滿足我地既要求。