影片
更多
2023-02-14
2202 浏览
清吓啲大假，就同老婆入嚟长洲宅渡假一下，点解拣长洲，因为都十几年无入过嚟，睇吓变化有几多，所以，专登请日假，星期五入，星期六走，谂住无咁多人，无咁挤逼。因为得两公婆，都喺轻松自在游，亦专登逛到2:00pm先食晏。「饺子冰室」一早就定好嚟试，一来睇见啲食评觉得颇有特色，二来饺子喺老婆喜爱嘅食物，而佢更喺长洲嘅人气店。 铺面就摆晒啲餐牌、食物相出嚟，既吸引啲游人，亦让等位嘅客人可以谂吓食乜，不过，今日喺闲日，又过咗饭市高峰时间，喺无人排队，里面仲有好多空位添。 里面地方唔大，我哋被安排坐晌近门口嘅二人单向卡位，可谓自成一角。无行到入去，但目测估计都喺十多个位左右。环境比较昏暗，墙身贴满好多食物相、餐牌……等等，而我哋个位，枱上摆咗个饺子模型同怀旧电话，后生一辈大多数都未见过，仲有自家制辣油同酸醋。既然喺以饺子为主打，菜式就以饺子搭配其他食物成为各款套餐，如酸辣汤、黑酱油鸡饭、糖醋骨饭，而饺子更有成11款之多，标明全手工制、无添加，不过，未必有齐晒，睇睇门口个饺子剩余数量牌就知边一款仲有货。 由于唔算多客，就算即叫即做，啲食物都算快嚟齐晒。我哋叫咗两个餐，老婆钟意食饺子，就点咗10只饺子套餐
铺面就摆晒啲餐牌、食物相出嚟，既吸引啲游人，亦让等位嘅客人可以谂吓食乜，不过，今日喺闲日，又过咗饭市高峰时间，喺无人排队，里面仲有好多空位添。
里面地方唔大，我哋被安排坐晌近门口嘅二人单向卡位，可谓自成一角。无行到入去，但目测估计都喺十多个位左右。环境比较昏暗，墙身贴满好多食物相、餐牌……等等，而我哋个位，枱上摆咗个饺子模型同怀旧电话，后生一辈大多数都未见过，仲有自家制辣油同酸醋。
既然喺以饺子为主打，菜式就以饺子搭配其他食物成为各款套餐，如酸辣汤、黑酱油鸡饭、糖醋骨饭，而饺子更有成11款之多，标明全手工制、无添加，不过，未必有齐晒，睇睇门口个饺子剩余数量牌就知边一款仲有货。
由于唔算多客，就算即叫即做，啲食物都算快嚟齐晒。我哋叫咗两个餐，老婆钟意食饺子，就点咗10只饺子套餐；我就拣咗个配汤、配饭嘅饺子套餐，净喺食饺子怕唔够饱，咁样又可以一次过试多几样嘢。
饺子套餐 E $66套餐包咗一碗酸辣汤、自选口味6只饺子、黑酱油鸡饭 / 糖醋骨饭及一杯餐饮，嚟齐之后影番合照，睇落都真喺几丰富，最紧要个饭无话因套餐好迷你，所以，食完就一家够晒饱。
饺子套餐 E
$66
33 浏览
1 赞好
0 留言
饺子口味就选咗黑白土匪饺，需另加$6，同埋只限半煎炸，怕热气或只食蒸饺嘅客人就无缘一试。嚟到只只涨卜卜，色泽唔算好金黄，但够平均，洒多少少黑白芝麻就仲好。咬落外皮好脆口，但多点韧性，而且唔油腻，而鸡肉馅渗出重重嘅孜然味，亦好够肉汁，确喺几正㖞。
糖醋骨就大概知喺咩啦，所以，拣黑酱油鸡饭。果然喺黑酱油，色泽好黑，食落带少少甜味，有啲似食海南鸡时𠮶一款黑酱油咁，质感比较浓稠厚身，带甜，配上嫩滑嘅鸡肉，感觉唔错㖞，伴两片青瓜，几啖鸡后又可以清清味蕾。
饺子套餐 H $66想一次过食多啲饺子，拣呢一款10只饺子套餐就最啱，唯可惜口味无得双拼，顺带一提，虽然话就话可以任拣11款饺子口味，但要留意有一半以上款式喺需要另外加钱。不过，山长水远嚟得试，都唔会咁斤斤计较喇。
饺子套餐 H
$66
35 浏览
0 赞好
0 留言
四季春茶、苹果绿茶所有套餐均送是日饮品，其实，都有其他嘢拣。是日饮品喺四季春茶，因为天气咋暖还寒，所以，要杯热嘅，但原来喺无热，只有暖暖哋，相信喺预早冲泡一大壶应付饭市，味道都OK，茶香唔算话好突出；另一款要咗苹果绿茶，原来喺「维他」纸包，哈哈！
事后向店员查问，煎饺同蒸饺层皮喺咪唔同，因为食落觉得前者喺厚少少，韧性强啲，后者就薄啲，滑身啲，回答喺两款皮嘅成份、做法唔同，可见小店嘅制作喺几认真。整体而言，饺子喺做得有诚意、有水准，当然，如果有双拼就更正啦。
张贴
