影片
更多
2021-04-06
2569 浏览
疫情期间冇得出国去旅行，香港人想揾地方玩或者拍拖已经谂爆头，而长洲就系其中一个热门嘅地方。讲起长洲相信呢间系当地最多人去嘅其中一间小店，出名在佢有可以打卡嘅墙，蓝色砖嘅墙身上面有长洲两个字，营造到好似地铁站既墙身，唔讲以为有长洲呢个站，而店内嘅装潢都系走清新蓝白风格，由头到尾都系好适合打卡。店内会有一块黑板写住店主嘅留言，有趣嘅系Wi-Fi Password叫你计数先可以计到出嚟，将密码译返做中文其实系好人一世平安。而呢间小店主打乳酪饮品，可以系menu上见到标榜自己<可能系全香港最好饮嘅乳酪>。用嘅乳酪都系采用香港子母奶做原材料，每晚自家发酵，为确保新鲜度同埋饮品嘅质量，每日用唔完就会掉咗佢，喺个虽然踏入春天但系天气似夏天嘅香港，饮一杯透心凉嘅乳酪饮品实在最适合不过。除咗乳酪饮品仲有提供梳打同果花茶，都系配搭唔同时令嘅水果制作，成份天然，饮落唔会觉得好人工。店舖系小巷入面，系甘永泰左手边条巷仔，码头行过去五分钟内一定到。当日虽然系星期日，但去到唔使话排队排好耐，大概等咗5分钟就有得攞嘢饮，而店舖都会提供少量嘅堂食位置，但堂食会要求每位有最低消费一杯饮品。-1️⃣ 草莓角酪
疫情期间冇得出国去旅行，香港人想揾地方玩或者拍拖已经谂爆头，而长洲就系其中一个热门嘅地方。
讲起长洲相信呢间系当地最多人去嘅其中一间小店，出名在佢有可以打卡嘅墙，蓝色砖嘅墙身上面有长洲两个字，营造到好似地铁站既墙身，唔讲以为有长洲呢个站，而店内嘅装潢都系走清新蓝白风格，由头到尾都系好适合打卡。
店内会有一块黑板写住店主嘅留言，有趣嘅系Wi-Fi Password叫你计数先可以计到出嚟，将密码译返做中文其实系好人一世平安。
而呢间小店主打乳酪饮品，可以系menu上见到标榜自己<可能系全香港最好饮嘅乳酪>。用嘅乳酪都系采用香港子母奶做原材料，每晚自家发酵，为确保新鲜度同埋饮品嘅质量，每日用唔完就会掉咗佢，喺个虽然踏入春天但系天气似夏天嘅香港，饮一杯透心凉嘅乳酪饮品实在最适合不过。除咗乳酪饮品仲有提供梳打同果花茶，都系配搭唔同时令嘅水果制作，成份天然，饮落唔会觉得好人工。
店舖系小巷入面，系甘永泰左手边条巷仔，码头行过去五分钟内一定到。当日虽然系星期日，但去到唔使话排队排好耐，大概等咗5分钟就有得攞嘢饮，而店舖都会提供少量嘅堂食位置，但堂食会要求每位有最低消费一杯饮品。
-
1️⃣ 草莓角酪 💰38（👅: 8/10）
草莓角酪
$38
13 浏览
1 赞好
0 留言
呢一杯系依间铺嘅招牌饮品，做法系将原味乳酪加入奶粉、柠檬汁等调味，而且仲有加紫米增加口感。而水果都系每日有果栏入货，再制成果蓉。
净系杯嘢饮已经好好打卡，见到两个好大粒嘅士多啤梨(其实系士多啤梨片，唔系两大粒)，店员有提醒要搅匀先好饮，饮落系一杯甜甜酸酸嘅乳酪饮品，加上淡淡的草莓味，质地唔算好浓稠，未去到平时饮开嘅乳酪饮品咁浓稠，感觉似饮紧士多啤梨奶昔再稀啲。每啖都可以食到草莓果肉，食落新鲜，唔会觉得系食紧人工嘅士多啤梨味，而且唔会过甜过酸，喺店舖嘅枱上面列明所有饮品都系已经微糖，饮落系开胃而且唔会觉得好Heavy，仲会饮到少少紫米，口感丰富，天气咁热真系会一啖接一啖咁饮，略嫌紫米嘅份量唔够多，如果多啲更好，同埋嘢饮比较多泡。
-
2️⃣ 小英角酪 💰42（👅: 8/10)
小英角酪
$42
10 浏览
1 赞好
0 留言
小英角酪即系金钻凤梨角酪，相信系期间限定嘅角酪，因为佢唔系喺原本Menu上既角酪，而系另外一张纸上面。适逢每年嘅三月到四月系台湾金钻凤梨嘅出产季，所以推出呢一个系列嘅角酪。随左金钻凤梨角酪，另外仲有金钻凤梨百香果梳打。
小英角酪饮落非常清甜，唔会有平时食开菠萝既劲酸味，甜味重过酸味，只系带小小酸，乳酪入口依旧软滑，中间夹杂新鲜凤梨果肉粒，感觉比平时食到嘅更甜更多汁，成杯饮落去唔会偏甜，非常消暑。
-
⭐ 可能因为天气热，所以饮落觉得特别好饮好消暑，而且扫街食得太多野，都冇好好饮一杯野。之前净系求其一间小食店度买啲冰沙嚟饮，但而家就多咗呢个生果乳酪饮品呢个选择，微糖所以饮落唔甜唔会觉得好肥。
最可惜系试唔到佢个人气卷蛋，角酪卷同大马士革卷，分别系蝶豆花同抹茶口味，星期日大概五点去到就卖晒，但第二日星期一大概晏昼一点去到仲未有得买，听讲每日限量平时两点就会卖晒，下次会早啲到长洲试。
-
👅味道: 8/10
🍴环境: 8/10
💰消费: $80 (服务费: NA)
张贴
