恒樂海鮮菜館

营业中

休息中

入到长洲又点可以唔去食海鲜, 其实成条街海鲜档 一间接著一间， 都各有特色，行到呢间，店员好有心推介菜馆嘅菜式，小朋友嗌肚饿，坐低叫咗个六𩠌海鲜餐，抵食夹大件， 推介推介先上最受小朋友欢迎，大人亦都喜爱嘅粟米斑块，鱼好新鲜，粟米汁啱啱好，送饭最正! 然后系豉椒炒蛏子，蛏子唔算大只，但系炒得好入味，另外，大家都必食嘅炒蚬， 属水准中上，之后就系菜胆鸡，好大碟，好好食，热辣辣，下面仲有菜，继续系虾仁炒蛋，蛋炒得滑，虾够熟，爽脆然后，海鲜豆腐煲，材料有鱼，豆腐，鱿鱼等等，师傅手势都唔错，如果下次大人自己嚟，可以叫多啲辣嘅海鲜试最后系食店送嘅蒜蓉炒白菜，正常发挥。呢度好近码头， 预好时间，食完可以慢慢行过去搭船回家，刚刚好。