影片
更多
2010-01-03
143 浏览
2010元旦，大食六人组杀入长洲，劲食海鲜。地点系大街既兴乐菜馆，睇番0的食评先知原来自己两年前来过﹗环境都系大排档格局，我地坐海边对住个海﹗呢度叫𩠌系叫餐的，任拣12个𩠌都系$478，仲要唔洗加一，我地咁大食梗系叫12个𩠌啦﹗先来椒盐鲜鱿﹗脆浆做得好薄，质感酥脆松化，鲜鱿新鲜软熟，正呀﹗豉椒炒蛏子﹗个汁做得几好㖞﹗够惹味豉香味浓，蛏子亦弹牙无沙，好味道﹗白灼冬风螺，我地怕唔够食叫左两碟，所以先有咁大份架﹗唔太新鲜，螺肉未算实净，全晚比较失望系呢碟﹗咖哩炒蟹，讲真食得平餐都预左会系小蟹仔，个咖哩味道几好，不过我就嫌佢浓得济抢左0的蟹味﹗白灼海虾当然又系两碟啦，鲜味弹牙爽甜，阿姐话真系游水虾来架﹗蘸少少豉油食真系一流﹗呢碟姜葱蟹就正好多喇，蟹仔虽细不过食落肉质都好实净同埋鲜甜，姜葱吊味为蟹肉锦上添花，细有细食，全日最静就系食蟹时，因大家也静静的密密拆蟹﹗蒜蓉粉丝蒸扇贝﹗扇贝肉虽然细粒，不过味浓鲜甜，配上大量蒜泥同粉丝同吃，惹味出众﹗蛏子除了豉椒外，仲有蒜蓉清蒸，估不到食餐一碟都有十几只㖞﹗抵呀﹗弹牙爽口，味道一流，比豉椒味道更原始更浓更好﹗食完十二个𩠌﹗大食六人组六个人都不约而同地说:"
地点系大街既兴乐菜馆，睇番0的食评先知原来自己两年前来过﹗
环境都系大排档格局，我地坐海边对住个海﹗
呢度叫𩠌系叫餐的，任拣12个𩠌都系$478，仲要唔洗加一，我地咁大食梗系叫12个𩠌啦﹗
先来椒盐鲜鱿﹗
脆浆做得好薄，质感酥脆松化，鲜鱿新鲜软熟，正呀﹗
豉椒炒蛏子﹗
个汁做得几好㖞﹗够惹味豉香味浓，蛏子亦弹牙无沙，好味道﹗
白灼冬风螺，我地怕唔够食叫左两碟，所以先有咁大份架﹗
唔太新鲜，螺肉未算实净，全晚比较失望系呢碟﹗
咖哩炒蟹，讲真食得平餐都预左会系小蟹仔，个咖哩味道几好，不过我就嫌佢浓得济抢左0的蟹味﹗
白灼海虾当然又系两碟啦，鲜味弹牙爽甜，阿姐话真系游水虾来架﹗
蘸少少豉油食真系一流﹗
呢碟姜葱蟹就正好多喇，蟹仔虽细不过食落肉质都好实净同埋鲜甜，姜葱吊味为蟹肉锦上添花，细有细食，全日最静就系食蟹时，因大家也静静的密密拆蟹﹗
蒜蓉粉丝蒸扇贝﹗
扇贝肉虽然细粒，不过味浓鲜甜，配上大量蒜泥同粉丝同吃，惹味出众﹗
蛏子除了豉椒外，仲有蒜蓉清蒸，估不到食餐一碟都有十几只㖞﹗抵呀﹗
弹牙爽口，味道一流，比豉椒味道更原始更浓更好﹗
食完十二个𩠌﹗
大食六人组六个人都不约而同地说:
"食海鲜都唔饱既，好似无食过野咁﹗"
于是决定重头做起，再叫多次，今次encore番上一回好吃的如海虾、蒸蛏子、扇贝等，再加多几个肉食饱佢﹗
总共我地食左22个𩠌呀﹗不得不佩服我地自己﹗
阿姐走埋o黎问我地食完未，我地一话再叫多十个𩠌，佢都呆左以为我地玩野﹗
第二转0的海虾颜色靓左好多呢﹗
食家聪明地order海鲜豆腐汤，入面有成条唔知咩鱼0系度，鲜甜够味，暖一暖胃觉得好舒服好好饮﹗
椒盐双骨，椒盐骨同埋茄汁骨，个人觉得椒盐骨惹味0的﹗
黑椒鸡柳，够哂大碟，我钟意将鸡粒同洋葱一齐食。
今晚的豆苗好靓，清甜爽脆，order左两碟清一清肠胃﹗
最后22个𩠌埋单只系900蚊，即系一个人都系$150，抵到无人有。
吃得套餐都知食物未必是最好的，不过呢间兴乐出品绝大部份都大碟有质素，食材新鲜，味道亦做得很不错，入长洲食海鲜怕俾人呃，来呢间我觉得准没错，丰俭由人，十级推介﹗
更多相更多长洲小吃:
http://hk.myblog.yahoo.com/smallsmalllin/article?mid=18843
张贴
