影片
更多
2021-04-06
651 浏览
黎紧会介绍一连串长洲既美食，等大家放假𠮶时可以去长洲觅食！讲起长洲大家谂起咩，大鱼蛋？芒果糯米糍？而家长洲应该有好多小店同美食，好多甚至喺长洲以外系食唔到，好似今次介绍既呢间小店。呢间系一间主打班戟嘅人气长洲小店，店内除咗常见嘅水果班戟同雪糕班戟之外仲有招牌嘅火炙牛油果班戟，同其他咸味嘅班戟。呢间小店位置隐蔽，去咗咁多次长洲都冇特登经过依啲巷仔，但如果跟住Google Maps去就好易揾到。当日去系星期日，所以店内都几多人帮衬，尤其好多都系成家人带埋细佬仔一齐去，啱啱去到𠮶时比一两家啲人塞满左间店，店内虽然有两张枱但系都坐满左，不过等到个cream整好个时其他人都已经食完走咗，所以就可以坐喺度慢慢咁食。小店嘅装修唔错，入边会有一个充满crepe食物sample既橱窗俾你做背景打卡，而且佢系半开放厨房，可以俾你睇到制作crepe同埋烧牛油果嘅过程，非常之治愈。-1️⃣ 招牌火焰牛油果咸味班戟 💰45（👅: 8/10）呢个系一个咸味嘅crepe，店舖会将一啲熟到啱啱好嘅牛油果，加啲蛋黄酱摆喺上面烧，烧到啲油溶溶地，令油脂感爆灯。班戟都系即叫即整，食落温度系足够同新鲜。Crepe食落系比较烟韧，
黎紧会介绍一连串长洲既美食，等大家放假𠮶时可以去长洲觅食！
讲起长洲大家谂起咩，大鱼蛋？芒果糯米糍？而家长洲应该有好多小店同美食，好多甚至喺长洲以外系食唔到，好似今次介绍既呢间小店。
呢间系一间主打班戟嘅人气长洲小店，店内除咗常见嘅水果班戟同雪糕班戟之外仲有招牌嘅火炙牛油果班戟，同其他咸味嘅班戟。
呢间小店位置隐蔽，去咗咁多次长洲都冇特登经过依啲巷仔，但如果跟住Google Maps去就好易揾到。当日去系星期日，所以店内都几多人帮衬，尤其好多都系成家人带埋细佬仔一齐去，啱啱去到𠮶时比一两家啲人塞满左间店，店内虽然有两张枱但系都坐满左，不过等到个cream整好个时其他人都已经食完走咗，所以就可以坐喺度慢慢咁食。
小店嘅装修唔错，入边会有一个充满crepe食物sample既橱窗俾你做背景打卡，而且佢系半开放厨房，可以俾你睇到制作crepe同埋烧牛油果嘅过程，非常之治愈。
-
1️⃣ 招牌火焰牛油果咸味班戟 💰45（👅: 8/10）
招牌火焰牛油果咸味班戟
$45
12 浏览
1 赞好
0 留言
呢个系一个咸味嘅crepe，店舖会将一啲熟到啱啱好嘅牛油果，加啲蛋黄酱摆喺上面烧，烧到啲油溶溶地，令油脂感爆灯。
班戟都系即叫即整，食落温度系足够同新鲜。Crepe食落系比较烟韧，唔会好干，会有小小脆边，蛋落得够所以有蛋香味，皮唔会太厚够薄身。
牛油果同班戟既组合第一次但食落系意外地夹，牛油果烧到油脂感丰富，食落够软滑creamy。牛油果主要集中喺crepe嘅上大半部份，食到最尾可能会食晒啲牛油果，但佢嘅油脂味同埋蛋黄酱烧过嘅咸香味道，都会留喺crepe嘅最尾，所以即使食晒牛油果，满足感依然，甜味咸味不断纵横交杂。
-
2️⃣⃣ Movepick雪糕班戟 (瑞士朱古力) 💰42（👅: 8/10）
Movepick雪糕班戟
$42
10 浏览
1 赞好
0 留言
食完一个咸嘅crepe就食咗个甜嘅crepe，呢个系一个由Movepick雪糕整成嘅班戟，出边好少可以食到Movepick雪糕嘅甜品，可能成本问题平时都可能系雀巢多，我觉得Movepick雪糕唔会输比Häagen-Dazs。
班戟除左有朱古力雪糕、碎碎、cream、同朱古力棒。雪糕食落唔系好甜，有啲似食雪芭，朱古力味重但唔过甜。虽然所有嘢睇落都系好邪恶嘅成分，但食落唔会觉得过甜。
-
招牌火焰牛油果咸味班戟
$45
6 浏览
1 赞好
0 留言
🌟Crepe既质数唔错，算中上水平，虽然香港有好多地方Crepe，有法式、有日式，竞争激烈，长洲呢间小店虽然未做到香港最好食，但系长洲已经系一个唔错既甜品同小食既选择。
如果你牛油果控嘅人，非常值得去长洲𠮶时一试。除咗班戟都有提供好多咖啡、梳打气泡饮品、手调特饮。
-
👅味道: 8/10
🍴环境: 7.5/10
💰消费: $87 (服务费: NA)
张贴
