天然甜品

营业中

休息中

今日长洲之旅就嚟结束，临走之前男人话想食吓糖水。所以呢就揾咗一间评分都几高嘅糖水店，间舖头近码头叫做天然甜品作为一间传动嘅甜品店，呢间糖水舖都有几多选择，今次呢就拣咗一个冻同一个热既甜品。佢拣咗一个芒果椰冰，我就拣咗传统嘅腐竹汤圆糖水。自己食食吓先发现我唔记得咗影腐竹糖水张相，但我可以讲，个腐竹糖水都真系唔错。呢个芒果椰冰都真系卖相好吸引。我趁住佢讲紧电话嘅时候偷食咗佢两啖，个芒果汁系新鲜芒果打出嚟嘅，所以食落去感觉都几香甜。另外𠮶椰冰睇落真系唔简单，一层一层咁，入口即溶好香椰奶味。今次埋单$50 ，价钱相当实惠。本身谂住嗌佢嘅芒果糯米卷，但系老板话卖晒，系全部糯米嘅甜品都卖晒。所以我哋下次决定，一落船就要冲入去间舖头去试佢嘅芒果糯米卷。